Sidoarjo-pojokkampung.site Pemkab Sidoarjo nambahi siji maneh unit Pos Damkar. Dununge nang eks Kantor Kecamatan Sukodono. Saiki Pos Damkar Sukodono iku isih proses pembangunan.
Bupati Sidoarjo H. Subandi mriksa progres pengerjaane, Senin, (15/12). Bupati Sidoarjo H. Subandi ngarepke pembangunan Pos Damkar Sukodono bisa cepet rampung. Pos Damkar Sukodono iku Pos Damkar ketujuh sing dibangun Pemkab Sidoarjo. Nang Pos Damkar Sukodono menggih bakal diisi telu unit mobil Damkar.
“Kita ngarep iki cepet rampung, Sidoarjo kan padet penduduk, kita butuh Pos Damkar, barangkali ana kebakaran kita bisa langsung cepet nangani,” ujare.
Bupati H. Subandi minta pengerjaan pembangunan Pos Damkar Sukodono bener-bener dilakoni sesuai RAB (Rencana Anggaran Biaya). Kualitas bahan kudu sesuai karo dokumen perencanaan. Saline iku pengerjaane kudu sesuai standar kontruksi bangunan. Dheweke ngarep proyek sing dibangun nganggo duit rakyat iku bisa ngadek kukuh. Bisa dinggo suwene.
“Pos Damkar Sukodono wis 72,5 persen pengerjaane. Tapi capaiyan progres iku ora iso dilaporke nang aplikasi E-Kenda Sidoarjo,” ujare Yudiyana, konsultan pengawas pekerjaan.
Yudiyana ngomong masa kontrak pengerjaan Pos Damkar Sukodono wis rampung tanggal 14 Desember 2025 wingi. Kontraktor pelaksana proyek yo wis nambahi wektu pengerjaan 50 dina maneh. Tapi diupayakne pengerjaan pembangunan Pos Damkar Sukodono bisa cepet rampung.
“Dendane perhari Rp. 2 juta 200 ribu, nek ora cepet rampung,” ujare Yudiyana.
Yudiyana ngira-ira pembangunan Pos Damkar Sukodono bisa rampung rong minggu maneh. Dheweke yo bakal minta kontraktor pelaksana nambahi tenaga kerja kanggo ngebut pengerjaan.
pojokkampung.site. Sarane Pak Bupati, nek nambahi pekerja luang dibanding bayar denda, perhari rong juta, umpamane merekrut sepuluh tukang maneh perharine dibayar 200 ribu, kan lumayan ngebut pengerjaan,” ujare.
